Свечено отворање на Твининг проектот „Зајакнување на националниот фитосанитарен систем“, финансиран од инструментот за претпристапна помош на ЕУ- ИПА 2024 година со вкупна вредност од 1,5 милиони евра со траење од 30 месеци.
„Поддршката од ЕУ и партнерите од Италија, Грција и Хрватска, има клучна улога во развојот на секторите кои се во надлежност на Министерството за земјоделство, шумарство и водостопанство“, истакна министерот за земјоделство, шумарство и водостопанство, Цветан Трипуновски.
Тој посочи дека проектот претставува значаен чекор во понатамошното унапредување на фитосанитарната политика и во зајакнувањето на институционалните капацитети во областа на заштитата на растенијата.
„Преку заедничка работа ќе постигнеме резултати кои ќе придонесат за понатамошен развој на земјоделскиот сектор“, порача министерот.
