Заменик-министерот за земјоделство, шумарство и водостопанство, Албрим Хоџа, присуствуваше на 14-тото издание на традиционалната манифестација „Денот на гравот“ во Теарце.
Оваа манифестација, која веќе прерасна во традиција, го промовира домашното производство, го вреднува трудот на земјоделците и истовремено придонесува за зачувување и пренесување на локалните традиции на младите генерации.
Во своето обраќање, Хоџа го истакна значењето на ваквите манифестации за промоција на домашните земјоделски производи и зачувување на традицијата.
„Денот на гравот е убав пример како еден наш домашен производ може да ги обедини традицијата, земјоделството и заедницата. Наша задача е овие производи да ги промовираме и да им ја дадеме вредноста што ја заслужуваат“, изјави Хоџа.
На крајот, Хоџа им го честиташе 14-тото издание на организаторите и им оддаде признание за континуираната посветеност во организацијата и зачувувањето на оваа традиционална манифестација.
