Министерот за земјоделство, шумарство и водостопанство, Цветан Трипуновски присуствуваше на отворањето на демонстрациско поле за адаптација кон климатските промени во земјоделството на Опитното поле на Факултетот за земјоделски науки и храна во Долно Лисиче.
Климатските промени се реалност, која значително ги менува условите за производство на храна.
Овој проект има за цел да ги тестира и демонстрира најсовремените технологии и практики што ќе придонесат за зголемување на отпорноста на земјоделството.
„Благодарност до Владата и Амбасадата на Сојузна Република Германија, Германското друштво за меѓународна соработка (GIZ), SWG, како и до сите институции и организации кои со својата поддршка овозможија реализација на овој проект“, истакна министерот Трипуновски.
Преку меѓународните партнерства и со примена на науката можеме да изградиме поотпорно, поконкурентно и поодржливо земјоделство.
