Министерот за земјоделство, шумарство и водостопанство, Борче Серафимовски заедно со претседателот на Владата, проф. д-р Христијан Мицкоски, присуствуваше на традиционалното карневалско дефиле кое се одржа рамките на „Тиквешки гроздобер 2026“ во Кавадарци.
Карневалските групи и другите учесници во дефилето, преку тематски маски, музика и кореографии, ја претставија традицијата на гроздоберот и културните обележја на Кавадарци.
Министерот Серафимовски присуствуваше и на свечениот прием што градоначалникот Митко Јанчев го организираше во Винскиот музеј.
„Тиквешкиот гроздобер“ има значајна улога во промоцијата на локалното лозарство и винарство, како и на културната и туристичката понуда на Тиквешкиот регион.
Министерството ја продолжува својата посветеност кон развојот на секторот на лозарството и винарството, со фокус на поголема сигурност во производството и пласманот, јакнење на конкурентноста на домашните винарии и отворање нови извозни пазари за македонското вино.
