Министерството за земјоделство, шумарство и водостопанство ја информира јавноста дека во периодот од 20 септември до 10 октомври 2026 година ќе организира полагање на испити од областа на рибарството (испит за рибар и испит за рибочувар).
Испитите се состојат од два дела и тоа:
1. прв дел (теоретски), со кој се проверува познавањето на одредбите од законската регулатива со одговарање на определен број на прашања со тест и
2. втор дел (практичен), со кој се проверува способноста за препознавање на видовите риби, техниките на риболов и практичната примена на прописите од областа на рибарството и се одговара усно.
Термините на полагање на испитите дополнително ќе бидат објавени на официјалната веб-страна на Министерството, а по разгледување на барањата од страна на Комисијата ќе биде објавена Листа на кандидати кои ги исполнуваат условите за полагање на испитот. Кандидатите се должни навремено да го проверат списокот и да се информираат за своето учество.
Заинтересираните кандидати може да поднесат Барање за полагање на испит најдоцна до 20.09.2026 година.
Во прилог на Барањето за полагање кандидатот треба да достави:
1. Уверение за државјанство на РСМ (не постаро од 6 месеци);
2. копија од лична карта и
3. доказ за уплатени 4.000 денари како надоместок за трошоци за полагање на испитот.
Во прилог потребни податоци за уплата:
Назив и седиште на примач: Буцет на РСМ-МЗШВ
Банка на примач: Народна банка на РСМ
Трансакциска сметка: 100000000063095
Сметка на корисник: 140010028063119
Приходна шифра: 725930
Програма: 10
Испитите ќе се одржат во Министерството за земјоделство, шумарство и водостопанство ул.„Ленинова“ број 2 , Скопје.