Институција која огласува: Проект за модернизација на земјоделството
Рок на пријавување: 27/10/2026
Владата на Република Северна Македонија, со финансиска поддршка од Светска банка, го подготвува проектот „Злетовица – продуктивност преку наводнување и обновлива енергија“ (PIREP), кој ги опфаќа Фаза II – наводнување и Фаза III – хидроенергија на Хидросистемот „Злетовица“.
За потребите на проектот се објавува јавен повик за ангажирање локален специјалист за животна средина и социјални прашања, со полно работно време, за период од 12 месеци.
Специјалистот ќе биде одговорен за интегрирање на еколошките и социјалните аспекти во подготовката на планираните инвестиции, согласно националното законодавство и стандардите на Светска банка.
Ангажманот ќе опфаќа процена и следење на еколошките и социјалните ризици, преглед на релевантните студии и планови, следење на прашањата поврзани со водните ресурси, биолошката разновидност, климатските промени и безбедноста на локалните заедници, како и координација со надлежните институции, консултантите и засегнатите страни.
Специјалистот ќе учествува и во подготовката на извештаи, проектна документација и активности за усогласување со еколошките и социјалните барања.
Краен рок за пријавување: 27 октомври 2026 година, до 12:00 часот.
Министерство за земјоделство, шумарство и водостопанство Проект PIREP
До: г-ѓа Ана Гацева
ул. „Ленинова“ бр. 2, 1000 Скопје
Е-пошта: procurement@amp.mk
Деталните услови и проектните задачи се достапни во приложената документација на јавниот повик.
REQUEST FOR EXPRESSIONS OF INTEREST