“Përmes panairit kombëtar të ushqimit dhe pijeve ‘Shijoni traditën përmes ushqimit të shëndetshëm vendas’ kanë mundësi të marrin pjesë mbi 300 ekspozues dhe mbi 50 shoqata, federata dhe bujqi individualë, të cilët do të promovojnë produktet e tyre vendase,” tha sot Ministri i Bujqësisë, Pylltarisë dhe Ekonomisë së Ujërave, Cvetan Tripunovski, duke iu drejtuar qytetarëve në aktivitetin e sotëm.
“Përmes masave dhe programeve të ndryshme, ne ndihmojmë fermerët që të prodhojnë më shumë ushqim në Maqedoni, duke ulur kështu importin dhe njëkohësisht duke punuar që të bëhemi një markë e njohur në botë,” theksoi ministri Tripunovski.
Ai theksoi se Ministria ka shpërndarë 56 kontrata për mbështetje të ngjarjeve dhe panaireve lokale në vlerë mbi 6 milionë denarë. Pikërisht përmes ngjarjeve të tilla lokale promovohen produktet maqedonase dhe të gjithë vizitorët mund të shijojnë produkte vendase që e meritojnë vendin e tyre të veçantë në botë.
“Manifestimi i sotëm është dëshmi se përmes bashkëpunimit midis Ministrisë, bujqve dhe shoqatave, mund të arrihet qëllimi i dëshiruar, që është promovimi i ushqimit tonë vendas,” theksoi ministri.
“Me masa të ndryshme kontribuojmë për stimulimin e bujqve që tokat tona të mos mbeten të zbrazëta, por që çdo pëllëmbë toke të punohet. Hapëm njësi rajonale dhe zyra për të qenë më afër bujqve. Kemi paguar subvencionet e vonuara që ata i prisnin për vite, duke rikthyer besimin ndaj institucioneve. Politika jonë si Ministri është që të paguhen të gjitha subvencionet e vonuara dhe të fillohet me shërbime të rregullta. Krijimi i një çmimi të blerjes së përbashkët me blerësit dhe fermerët është një hap tjetër që do të bëhet praktikë, në mënyrë që të dy palët të jenë të kënaqura. Si Ministri, nuk do të lejojmë përsëritjen e pamjeve të bujqve të zhgënjyer që i hidhnin prodhimet e tyre,” theksoi ministri Tripunovski.
Ai shtoi se “Shijoni traditën përmes ushqimit të shëndetshëm vendas” do të bëhet sinonim i bashkëpunimit të suksesshëm midis fermerëve dhe Ministrisë.
“Në periudhën e ardhshme, do të punojmë për stimulimin e prodhuesve të vegjël, pasi pikërisht ata e zhvillojnë ekonominë vendase. Prodhimi vendor është prioritet, mbi të cilin do të punohet,” theksoi ai.
Ministri Tripunovski theksoi se bujqit do të jenë gjithmonë prioritet i Ministrisë.