Ministri i Bujqësisë, Pylltarisë dhe Ekonomisë së Ujërave, Cvetan Tripunovski së bashku me ekipin e tij vazhdoi fushatën në terren “Zëri që dëgjojmë – më e mira e Maqedonisë”, në komunën e Rosomanit, mes fermerëve.
Ministri vizitoi vendbanimet Tërstenik dhe Rosoman, ku bisedoi drejtpërdrejt me qytetarët për sfidat, nevojat dhe propozimet e tyre.
“Qëllimi i këtyre aktiviteteve është që përmes komunikimit të dëgjohen mendimet, idetë dhe sugjerimet e fermerëve, si dhe të diskutohet për politikat aktuale dhe drejtimet e ardhshme në zhvillimin e bujqësisë”, theksoi ministri.
Ministri theksoi se përmes komunikimit dhe shkëmbimit të përvojave, sugjerimeve dhe ideve, mund të ndërtohen më mirë hapat e ardhshëm që do t’i udhëheqë Ministria.
Ai shtoi se komuna e Rosomanit është një rajon bujqësor me mbi 3.000 hektarë sipërfaqe të punueshme dhe më shumë se 2.500 përfitues dhe aplikues për mbështetje bujqësore, gjë që është një tregues se Rosomani ka potencial serioz në fushën e prodhimit bujqësor.
