Ministri i Bujqësisë, Pylltarisë dhe Ekonomisë së Ujërave, Cvetan Tripunovski nga komuna e Bosilovës e filloi fushatën „Zëri që e dëgjojmë – më e mira e Maqedonisë“, duke theksuar se Bosilova është shembull i një komune moderne dhe të suksesshme me bujqësi të zhvilluar.
“Brenda kësaj fushate, në periudhën në vijim do të vizitohen mbi 30 komuna dhe më shumë se 120 vendbanime. Aktivitetet do të realizohen përmes dy ekipeve të mëdha dhe gjashtë ekipeve më të vogla, të cilat do ta vizitojnë secilën komunë”, theksoi ministri.
Ministri Tripunovski theksoi se qëllimi është të dëgjohen qëndrimet dhe nevojat e bujqve, të prezantohen politikat dhe masat e deritanishme në sektor, si dhe të diskutohet për sfidat aktuale.
Në Bosilovë, sipas Regjistrit të fermave, janë të regjistruara mbi 1.600 ekonomi bujqësore dhe rreth 10.000 hektarë tokë të punueshme, prej të cilave 2.000 hektarë janë në pronësi shtetërore, ndërsa 8.000 hektarë në pronësi private.
“Ne si Ministri vazhdojmë me zbatimin e politikave dhe jemi në komunikim me çdo bujk”, shtoi ministri.
Ai theksoi se Qeveria i kushton rëndësi çdo bujku që prodhon dhe se çdo bujk është i rëndësishëm.
