Sekretari shtetëror i Ministrisë së Bujqësisë, Pylltarisë dhe Ekonomisë së Ujërave, Borçe Serafimovski, mori pjesë në Budapest në Sesionin e Pestë të bashkëpunimit ekonomik maqedono–hungarez, ku bujqësia dhe zhvillimi rural u veçuan si fusha prioritare në të cilat të dyja vendet shohin interes të përbashkët dhe potencial të qartë për përparim.
“Takimet me përfaqësuesit hungarezë mundësuan dialog të hapur dhe konstruktiv për sfidat moderne me të cilat përballen bujqit, nevojën për teknologji të avancuara, rritjen e produktivitetit dhe krijimin e kushteve për zhvillim të qëndrueshëm të zonave rurale.
Bisedimet hapën mundësi për:
• projekte të përbashkëta në bujqësinë digjitale dhe precize,
• mbështetje për bujqit e rinj dhe fermat familjare,
• përmirësimin e industrisë përpunuese,
• shkëmbim të ekspertizës për politikat bujqësore evropiane,
• fuqizimin e komuniteteve rurale përmes programeve infrastrukturore dhe sociale,” theksoi Serafimovski.
Ai theksoi se këto takime bilaterale përbëjnë bazë për zgjidhje praktike, shërbime më të mira për bujqit dhe iniciativa të përbashkëta që do të kontribuojnë në zhvillimin e vërtetë të zonave rurale.
