Sot, në ambientet e Ministrisë së Bujqësisë, Pylltarisë dhe Ekonomisë së Ujërave, u mbajt provimi i gjuetisë për kandidatët që i plotësuan kushtet e përcaktuara për pjesëmarrje. Provimin e zhvilloi Komisioni Profesional, në përputhje me Ligjin për Faunën e Egër dhe Gjuetinë dhe programin e përcaktuar të provimit.
Kandidatët dëshmuan njohuritë e tyre për mbrojtjen dhe mbarështimin e faunës së egër, menaxhimin e vendgjuetive, njohjen e llojeve të kafshëve të egra, përdorimin e sigurt të armëve të gjuetisë dhe etikën e gjuetisë.
Aftësimi profesional dhe respektimi i rregullave ligjore janë bazë për ushtrimin e sigurt dhe të përgjegjshëm të gjuetisë, si dhe për mbrojtjen afatgjatë të faunës së egër, vendbanimeve të saj dhe ekuilibrit natyror.