Sot në komunën e Probishtipit u mbajt tribunë e 13-të në kuadër të fushatës “Zëri që e dëgjojmë – më e mira e Maqedonisë”.
“Fushata realizohet përmes dy ekipeve të mëdha që organizojnë tribuna në disa komuna, si dhe gjashtë ekipeve më të vogla që vizitojnë vendbanime të ndryshme, me qëllim prezantimin e të gjitha masave aktuale, aktiviteteve të realizuara dhe planeve të ardhshme të Ministrisë”, theksoi ministri i Bujqësisë, Pylltarisë dhe Ekonomisë së Ujërave, Cvetan Tripunovski.
Ministri shtoi se pjesa e dytë e tribunës i kushtohet komunikimit të drejtpërdrejtë me bujqit, ku ata parashtrojnë pyetje dhe japin propozimet dhe sugjerimet e tyre.
“Komuna e Probishtipit ka mbi 1.400 ekonomi bujqësore të regjistruara, rreth 4.000 hektarë sipërfaqe bujqësore të punueshme, nga të cilat 2.100 hektarë janë në pronësi të shtetit dhe janë ndarë me kontratë për rreth 159 shfrytëzues”, theksoi ministri.
Në deklaratën e tij, ministri theksoi se në periudhën e ardhshme do të vazhdojnë me vizitat në pjesë të tjera të vendit.