Ministri i Bujqësisë, Pylltarisë dhe Ekonomisë së Ujërave, Cvetan Tripunovski, mori pjesë në një ngjarje në Kavadar, ku u shënuan 30 vjet bashkëpunim me UNDP-në.
“Bashkëpunimi ndërmjet UNDP-së dhe Ministrisë së Bujqësisë, Pylltarisë dhe Ekonomisë së Ujërave nuk është vetëm një formalitet, por një mundësi reale për transformimin e sektorit tonë bujqësor”, theksoi ministri në fjalimin e tij.
Ministri Tripunovski shtoi se përmes projekteve të përbashkëta me UNDP-në, po punohet për modernizimin e bujqësisë maqedonase dhe përshtatjen e saj me standardet evropiane.
Ai kujtoi se ministria mbështet kantinat e vogla të verës përmes:
• Thirrjes publike për investime në pajisje për prodhimin e verës dhe pijeve alkoolike – deri në 600.000 denarë për përfitues;
• Shpërblime financiare deri në 300.000 denarë për kantinat që fitojnë çmime në gara prestigjioze ndërkombëtare;
• Promovim aktiv të verërave maqedonase në panaire ndërkombëtare.
“Maqedonia ka gjithçka që i duhet për prodhimin e verërave të klasit botëror – kushte të shkëlqyera klimatike, tokë të pasur dhe një traditë shekullore. Me mbështetjen e duhur, kantinat tona do ta pushtojnë tregun botëror”, theksoi ministri Tripunovski.