Ministri i Bujqësisë, Pylltarisë dhe Ekonomisë së Ujërave mori pjesë në ngjarjen përmbyllëse të projektit “Fuqizimi i Bujqësisë Moderne të Qëndrueshme – AgroSmart”.
Ky projekt për Ministrinë përfaqëson një hap të rëndësishëm drejt një bujqësie moderne, konkurruese dhe të qëndrueshme.
“Me mbështetjen e këtij projekti janë siguruar mjete për sisteme të mençura të fertigimit që mundësojnë ujitje dhe plehërim të saktë dhe racional, zgjidhje të robotizuara për pastrim dhe ushqim automatik në blegtori, si dhe agrodronë precizë dhe stacione meteorologjike për ndjekjen e shëndetit të bimëve dhe optimizimin e masave agroteknike”, theksoi ministri.
Ai shtoi se është investuar edhe në sisteme ujitjeje të furnizuara me energji diellore, stacione filtruese automatike, gjurmues GPS diellorë për ndjekjen e bagëtisë, si dhe pajisje inovative si qumështmatës për shitjen direkte të qumështit të freskët.
“Sot jemi dëshmitarë se kur bujqit bashkohen, bashkëpunojnë dhe veprojnë së bashku, rezultatet janë të dukshme, të qëndrueshme dhe inkurajuese”, shtoi ai.
“Qëndrojmë të përkushtuar fuqishëm në shfrytëzimin maksimal të mundësive që ofrojnë programet evropiane, por edhe në krijimin e zgjidhjeve kombëtare të fokusuara në dixhitalizim, teknologji të gjelbra dhe bashkimin e bujqve në shoqata të fuqishme dhe të qëndrueshme”, përfundoi ministri Tripunovski.