“Aktualisht po punohet në drejtim të shpalljes së çmimit të prodhimit për dy varietetet më të përhapura të rrushit të verës, Vranec dhe Smederevka. Së shpejti do të shpallet çmimi i prodhimit,” theksoi ministri i Bujqësisë, Pylltarisë dhe Ekonomisë së Ujërave, Cvetan Tripunovski, në një intervistë për televizionin Alfa.
Gjatë intervistës, ministri u ndal edhe te ligji i ri gjithëpërfshirës dhe themelor për bujqësinë dhe zhvillimin rural. Pikërisht ky ligj përbën bazën e bujqësisë dhe zhvillimit rural. Ligji përmban disa kapituj, një prej tyre është rregullimi i tregut, grumbullimi dhe plasmani i produkteve bujqësore.
“Në ambientet e Ministrisë u mbajt debat publik për këtë ligj. Të gjitha komentet që janë në interes të rregullimit të sistemit do të pranohen. Në periudhën e ardhshme do të mbahet edhe një debat i dytë publik,” paralajmëroi ministri në intervistën e tij.
Ai shtoi se ndërkohë po punohet edhe për sezonin e grumbullimit të duhanit, i cili është për pas disa muajsh. Në këtë sektor duhet të parandalohet me kohë.