Ministria e Bujqësisë, Pylltarisë dhe Ekonomisë së Ujërave njofton se në “Gazetën Zyrtare të Republikës së Maqedonisë së Veriut” nr. 79/25 të datës 14.04.2025 është publikuar “Rregullorja për formën, përmbajtjen, mënyrën e regjistrimit, dokumentacionin e nevojshëm dhe fshirjen në evidencën e kooperativave bujqësore”, me të cilën rregullohet procedura për regjistrimin e kooperativave bujqësore në Evidencën e Kooperativave Bujqësore që mbahet nga Sektori për Zhvillim Rural, Njësia për Kooperativa Bujqësore.
Me këtë rast, Ministria e Bujqësisë, Pylltarisë dhe Ekonomisë së Ujërave fton të gjitha kooperativat bujqësore të interesuara që të regjistrohen në evidencën e kooperativave bujqësore mbi bazën e kërkesës së paraqitur nga kooperativa bujqësore deri te Ministria e Bujqësisë, Pylltarisë dhe Ekonomisë së Ujërave.