„Денеска сме тука по повод празникот Св. Трифун, традиционално да ги закроиме лозјата и да посакаме успешна и бериќетна година. Да продолжиме да ја негуваме оваа гранка која што е важна за земјоделците и за Македонија“, истакна министерот за земјоделство, шумарство и водостопанство, Цветан Трипуновски од Кавадарци.

Денеска кога го празнуваме Свети Трифун, заштитник на лозарите се исплатија 315.745.324,00 денари кон 11.689 лица.

Исплатата се однесува за подмерката 1.11 за остварено производство на грозје.

„Денеска сум на работна посета во Битола и остварив средба со земјоделците од овој регион. Тема на разговор беше во делот на Програмата за финансиска поддршка за 2025 година“, истакна министерот за земјоделство, шумарство и водостопанство, Цветан Трипуновски од Битола.

Министерот за земјоделство, шумарство и водостопанство, Цветан Трипуновски денеска одговараше на пратеничко прашање кое што се однесуваше во делот на земјоделското земјиште.

„Откако сум министер со помош на Владата се поведе една сериозна акција во делот на злоупотребата на земјоделското земјиште. Се раскинаа и неколку договори, се ослободија над 2.000 хектари земјоделско земјиште кое што беше злоупотребувано од претходната власт“, појасни министерот.

„Во однос на првото прашање и млекопроизводство во Република Македонија би истакнал една кратка статистика како вовед на одговорот, ако пред десетина години сточниот фонд на крупна стока во државата изнесуваше околу 260.000 грла, денес по седум години погубни политики на минатата власт сточниот фонд изнесува нешто помалку од 140.000 грла“, истакна министерот за земјоделство, шумарство и водостопанство, Цветан Трипуновски од собраниска говорница одговарајќи на пратеничко прашање.