Денеска министерот за земјоделство, шумарство и водостопанство, Цветан Трипуновски присуствуваше на настанот организиран од Национална федерација на фармери по повод Меѓународниот ден на руралната жена кој се одржа во село Дихово, Битола.

„Рурална жена претставува моќен синоним на посветена, истрајна и храбра жена. Приоритет на Министерството за земјоделство, шумарство и водостопанство е да се овозможат услови кои се потребни за нормално функционирање на руралната жена, бидејќи таа е херој во ова време“, истакна министерот Трипуновски.

Исплатени се 216.712.603,00 денари на 4.430 млекопроизводители.

Се што се вети, се исполнува. Исплатата е извршена на земјоделските стопанства – производители на кравјо, овчо и козјо млеко регистрирани како одгледувачи на говеда, овци и кози и произведеното млеко го имаат предадено на регистрирани откупувачи на сурово млеко во месеците: август, септември, октомври, ноември и декември 2023 година.

Министерот за земјоделство, шумарство и водостопанство, Цветан Трипуновски во просториите на Министерството со претставниците од Научниот институт за тутун – Прилеп потпиша договор за користење на финансиска поддршка за набавка и инсталирање на опрема за затворен начин на одгледување на расад на тутун во оранжерии на површина до 0,6 ха. за производство на семе од тутун во износ од 25.500.000 денари.

Финансиската поддршка се доделува во висина од 100% од вредноста за набавка и инсталирање на опрема за затворен начин на одгледување на расад на тутун во оранжерии на површина до 0,6 ха. за производство на семе од тутун, вклучително и изработка и ревизија на основен проект за инсталирање на оранжерија кои не смеат да учествуваат повеќе од 10% од вредноста на инвестицијата, во висина не повеќе од 25.500.000 денари со вклучен ДДВ од кој максималната вредност за изработка на основен проект е до 2.550.000 денари со вклучен ДДВ.

Денеска министерот за земјоделство, шумарство и водостопанство, Цветан Трипуновски потпиша договор со Институтот за сточарство и рибарство за користење на финансиска поддршка за инвестициони вложувања за воспоставување на научно демонстративни примери – набавка на опрема за лабораториски анализи за квалитет и безбедност на храна за сточарство во износ од околу 12 милиони денари.

Финансиската поддршка се доделува во висина од 100% од вредноста на предлогот за воспоставување на научно демонстративни примери – набавка на опрема за лабораториски анализи за квалитет и безбедност на храна за сточарство но не повеќе од 11.979.283 денари со вклучен ДДВ.

Краставица, млад кромид, пиперка и домат – сите овие зеленчуци се безбедни за јадење, тврди директорот на Агенцијата за храна и ветеринарство, Николче Бабовски. 

На денешната прес-конференција директорот Бабовски ги негираше обвинувањата од Цветан Трипуновски, претседател на Комисија за земјоделство, шумарство и водостопанство во ВМРО-ДПМНЕ, кој рече дека при контрола на овие зеленчуци имало зголемено присуство на пестициди.