Претседателот на Владата на Република Северна Македонија, Оливер Спасовски, министерот за земјоделство, шумарство и водостопанство, Трајан Димковски и градоначалникот на Општина Валандово, Перо Костадинов денеска извршија увид во градежните работи на Проектот за наводнување на јужната долина на река Вардар - Втора фаза и увид во градежните работи на Изградба на пат и канал за поврзување на регионален пат Р-1105 со населеното место Горна Мала, Валандово.

Денеска, министерот за земјоделство, шумарство и водостопанство Трајан Димковски ги посети Општините Карбинци и Василево и оствари средби со градоначалникот на Општина Карбинци Јордан Насев, градоначалникот на Општина Василево Марјан Јанев и земјоделците производители на вишни и со откупувачите и преработувачи на вишни.

Денеска, министерот за земјоделство шумарство и водостопанство Трајан Димковски, заедно со директорот на Државниот инспекторат за земјоделство  Зоран Шапуриќ и градоначалникот на општина Росоман, Бранко Јанев беа во посета на откупните пунктови на праски во Росоман.

Овој регион важи за најголем производител на праски  во нашата држава. Во моментов во тек е откупот на росоманските праски кои оваа година, благодарение на поволните климатски услови, постигнаа висок квалитет. Тоа придонесе росоманските праски оваа година да достигнат повисока откупна цена и се откупуваат за 28-30 денари по килограм.

Денеска министерот за земјоделство, шумарство и водостопанство, Трајан Димковски, ги потпиша првите договори со Центрите за развој на планските региони,  за Јавниот повик преку Програмата на Министерството за земјоделство, шумарство и водостопанство за капитални субвенции. Преку оваа Програма се доделува финансиска поддршка за развој на планските региони во областа на земјоделството и руралниот развој.

Со помош на новата метода со авионско засејување на облаците, во текот на вчерашниот ден, повторно беше спречена појава на град во повеќе региони во државата. Управата за хидрометеоролошки работи активно ја пратеше  облачностa и движењето на градоносните облаци, преку радарските центри Тополчани и Ѓуриште и на загрозените подрачја интервенираше со авионско засејување на облаците. Со брзата и прецизна интервенција, во повеќе региони е спречена  појава на град и заштитено е земјоделското производство.