Vazhdon pagesa në kohë dhe jo selektive e subvencioneve, sot do të paguhen subvencione për 3213 blegtorë

24.2.2020 15:00:00


Sot Ministri i Bujqësisë, Pylltarisë dhe Ekonomisë së Ujërave, Trajan Dimkovski së bashku me Drejtorin e Agjencisë për Mbështetje Financiare në Bujqësi dhe Zhvillim Rural, Nikolçe Babovski, vizituan fshatin Dihovo, ku njoftuan të gjithë mirëmbajtësit e qingjave se sot  do të kryhet pagesa  për kokët e shënuara. Në llogaritë e 3213 blegtorëve do të paguhen 607.032.300,00 denarë, dhe saktësisht një javë më parë janë paguar subvencionet e destinuara për blegtorët.

"Falënderoj të gjithë blegtorët për kontributin e tyre aktiv në zhvillimin e prodhimit blegtoral dhe shpresoj që mjetet e subvencioneve do t'i investojnë në furnizimin me koka të reja, furnizimin me pajisjet e nevojshme për prodhim dhe gjithçka që ju nevojitet për zhvillimin e blektorisë.

Ne, si institucione kompetente së bashku me Agjencinë për Mbështetje Financiare në Bujqësi dhe Zhvillim Rural, do të vazhdojmë t'i përmbushim obligimet tona në periudhën e ardhshme, duke kontribuar kështu për zhvillimin dhe prodhimin e qëndrueshëm të blegtorisë. "- deklaroi Ministri Dimkovski.

Në periudhën vijuese, sipas kalendarit të pagesave, do të vazhdojë  pagesa e subvencioneve për masat e mbetura nga Programi i Mbështetjes Financiare, pra pagesa e subvencioneve për prodhuesit e dhive, derrave dhe bletëve.

"Me këtë pagesë nga fillimi i mandatit e deri më sot kemi paguar 381.4 milion euro në agro-sektor. Në të ardhmen Agjencia do të vazhdojë pagesën në kohë dhe jo selektive të subvencioneve. Mjetet paguhen sipas kalendarit dhe në kohën kur ato janë më të nevojshme për fermerët "- deklaroi drejtori Babovski

Kjo është vetëm edhe një konfirmim që subvencionet paguhen në kohë dhe në mënyrë jo selektive.

Share