Zëvendësministri Abedini mori pjesë në Panairin e mjaltit me moton “Ditët e ëmbla të Tetovës”, që po mbahet sot dhe nesër në sheshin e qytetit të Tetovës që organizohen nga Shoqatat e bletarëve ,,QYTETI I BLETËVE" dhe ,,MJALTI I POLLOGUT", ku dhe u shpërndanë medaljet për fituesit në Garat e katërta ndërkombëtare për kualitet të mjaltit “Tetovo Honey Awards 2022” ku morën pjesë 275 bletarë nga 21 shtete të ndryshme prej tre kontinenteve.
Qëllimi i organizimit është që bletaria të bëhet si veprimtari me interes jetësor, kombëtar, e dobishme për ruajtjen e mjedisit natyror, ekosistemit dhe bujqësisë në përgjithësi dhe që synon garantimin e pjalmimit natyror dhe biodiversitetit.
Bletaria për ne si Ministri është sektor i rëndësishëm i bujqësisë së vendit që shërben si burim prodhimesh natyrale me vlerë të lartë ushqimore dhe mjekësore dhe ndikon në rritjen e prodhimit të shumë kulturave bujqësore.