Министерството за земјоделство, шумарство и водостопанство ја информира јавноста дека со верификацијата на пратеничкиот мандат на 28.05.2024 година на министерот за земјоделство, шумарство и водостопанство, Љупчо Николовски, заврши извршувањето на функцијата министер. Од 27.05.2024 година е дадено овластување на заменик министерката за земјоделство, шумарство и водостопанство Вјолца Бериша која во целост може да ги извршува тековните активности за непречена работа на министерството, а истата измена уште на 27.05.2024 е побарана и веќе извршена и во Централниот регистар.