Почна бербата на Преспанското јаболко
Дата на објава: 
27 Септември 2016
Prespa.jpg

Со симболично откинување на првото јаболко на овоштарникот на Свислион Агроплод денеска, на верскиот празник Крстовден, официјално почна годинашната берба на Преспанското јаболко во рамки на манифестацијата „Преспански јаболкобер“.

 

Традиционалниот почеток на бербата го означија министерот за земјоделство, шумарство и водостопанство Михаил Цветков и градоначалникот на општина Ресен Ѓоко Стрезовски.

 

Поради ниските температури кои го зафатија Преспанскиот регион на крајот од април родот со јаболки е преполовен во однос на минатите години, односно се очекува да се соберат околу 50.000 тони јаболка. Околу 2.700 хектари јаболкови насади беа зафатени од мразот, а родот е оштететен од 20 до 100 проценти.

 

Ресорниот министер Цветков повторно ги повика земјоделците да ги осигураат насадите потсетувајќи на субвенционирањето од 60 отсто на осигурителната полиса од страна на Владата.

 


СООПШТЕНИЕ ЗА ПРИЈАВУВАЊЕ ЗА ПОЛАГАЊЕ НА ИСПИТ ЗА ДОБИВАЊЕ НА ЛИЦЕНЦА ЗА ПРОЦЕНА НА ТУТУН
Дата на објава: 
23 Септември 2016

Пријавувањето на заинтересираните кандидати за полагање испит заради добивање на лиценца за процена на тутун ЗАПОЧНУВА НА 26.09.2016 година и ЗАВРШУВА ЗАКЛУЧНО СО 17.10.2016 година, а ПОЛАГАЊЕТО НА ПРВИОТ ДЕЛ ОД ИСПИТОТ ЌЕ СЕ ОДДРЖИ НА 28 октомври 2016 година.

 

Заинтересираните кандидати за полагање на испит за добивање на лиценца за процена на тутун треба да достават потпишано барање до Министерството за земјоделство, шумарство и водостопанство на адреса: ул.Аминта Трети бр.2, 1000 Скопје, кое се наоѓа во додатокот за превземање.

Во прилог на барањето (во кое се наведуваат адресата на живеење и контакт телефон) треба да се приложат следните потребни документи:

1. Диплома за завршено високо, вишо или свидетелство за завршено средно образование од областа на технологијата за производство и обработка на тутун (заверена на нотар)

2. Кандидатите кои немаат соодветно образование треба да приложат најмалку свидетелство за завршено средно образование и копија од М1/М2 образец со податоци за работниот стаж и тоа за:


Субвенции од три денари за килограм откупено грозје „Вранец“
Дата на објава: 
20 Септември 2016
P9200129.JPG

Субвенции од три денари по килограм откупено винско грозје во 2016 година, за количини кои се над 60 проценти, но не повеќе од 130 отсто во споредба со ланските откупени количини од сортата „вранец“, за винарските визби, најави денеска министерот за земјоделство шумарство и водостопанство Михаил Цветков.

 

Оваа одлука, според министерот, е донесена по средбата со винариите на која информирале дека ќе го намалат откуп на грозјето бидејќи, како што истакнале, на европскиот пазар била понудана пониска цена поради големиот наплив на вина од многу замји.

 

- Имаме и голем притисок за откуп на сортата „вранец“ имајќи предвид дека таа е веќе стасана, и треба да се откупи во наредните неколку дена. Доколку не неправиме да се откупи,  постои можност да остане на лозовите плантажи. Владата на РМ на седницата која се одржа вчера  донесе одлука да го стимулира откупот, истакна Цветков.

 


Техничка поддршка од Унгарија за македонското земјоделство
Дата на објава: 
16 Септември 2016
Rabotilnica.jpg

Посветеноста на квалитетот и искрената желба да им се понуди уникатност и нов вкус на потрошувачите постојано го надоградува имиџот на виното што придонесе овој производ да стане втор најважен во извозот на агропрехранбениот комплекс, а лозаро-винарскиот потсектор да остварува нето годишен прилив од над 65 милиони евра, рече денеска заменик-министерот за земјоделство, шумарство и водостопанство Ванчо Костадиновски, отворајќи ја работилницата за европските субвенции и земјоделските статистики.

 

Според него, лозарството, заедно со производството на вино, придонесува со околу 17 до 20 отсто во земјоделскиот БДП.

 

- Виното е на прво место во извозот на пијалоци и втор најважен производ во однос на извозната вредност на земјоделските производи. Во последната деценија е евидентно присуството на се поголем број нови винарии изградени и опремени по најсовремени стандарди, но и реконструкција и модернизирање на старите во насока на што подобар квалитет на виното, истакна Костадиновски.

 


ИЗВЕСТУВАЊЕ за кандидатите за полагање испит за добивање уверение за рибочувар и за уверение за стопански риболов
Дата на објава: 
15 Септември 2016

Испитот за добивање уверение за рибочувар ќе се одржи на ден 21.09.2016 година, со почеток во 10 часот, во просториите на испитниот центар “АСЕКО“ на ул. Христо Смирненски бр.30 ламела 1.

Испитот за добивање уверение за стопански риболов ќе се одржи на ден 21.09.2016 година, со почеток во 12 часот, во просториите на испитниот центар “АСЕКО“ на ул. Христо Смирненски бр.30 ламела 1.

Кандидатите на денот на полагање задолжително да поседуваат документ за идентификација (лична карта).

Списоците со кандидати за полагање се во додатоците за превземање.


Syndicate content