МЗШВ го решава проблемот со откупот на сливи. Со цел да се стабилизира откупот на сливи, Министерството за земјоделство, шумарство и водостопанство информира дека во постапка се измени од Програмата за финансиска поддршка во земјоделството за 2018 година, односно се додава нова мерка за „Директни плаќања за откупени сливи од род 2018 од домашно производство“. Овие измени ќе бидат на дневен ред на утрешната седница на Владата на Република Македонија.

Министерството за земјоделство, шумарство и водостопанство на почеток на следната недела ќе излезе со конкретна интервентна мерка за стабилизирање на пазарот на сливи.

Денеска тим од Министерството за земјоделство, шумарство и водостопанство во Радовиш одржа работен состанок со производителите и откупувачите на сливи. На состанокот се разговараше за моменталната состојба со откупот и откупната цена, со цел да се најде решение од заеднички интерес за стабилизирање на откупот

Голем дел од пченицата што е откупена е извезена како сточно брашно. До крајот на оваа недела Државниот инспекторат за земјоделство чии претставници од понеделникот се на терен, ќе излезе со точни податоци колкава количина на пченица е досега откупена.

Жетвата на пченицата заврши на сите засеани 78,000 хектари. Годинава на заесаните површини  просечениот принос е околу  3,500 килограми по хектар. Според податоците на Министерството за земјоделство, шумарство и водостопанство, лебното зрно од овогодинешната реколата се откупува по цена од 9 до 10,5 денари по килограм, во зависност од квалитетот на пченица.