Повторно спречена појава на град во повеќе региони на територијата на нашата држава

29.06.2020 12:20:00


Во текот на вчерашниот ден, со помош на новата метода за заштита од град со авионско засејување на облаците, повторно успешно е спречена појава на град и не е причинета материјална штета на земјоделските посеви.

 

Управата за хидрометеоролошки работи преку радарските центри Ѓуриште и Тополчани и Аероклуб Скопје, вчера во периодот од 16:13 часот до 18:43 часот изврши авионско засејување на градоносни облаци и потенцијално градоносни облаци со 29 палки (една палка содржи 400г сребро јодит).

Првото дејствување врз градоносен облак  е во периодот од 16:13 до 16:35 часот во јужниот дел на Пелагонија и Ресенско, каде е дејствувано со 12 палки сребро јодит, а потоа во реонот на Кратово од 17:16 до 17:43 часот со 11 палки. Во 18:03 часот дејствувано е со авионско засејување на потенцијално градоносен облак северо-источно од Свети Николе со 3 палки  и во 18:39 часот во Кочанско со 3 палки.

 

Според радарските слики и информациите од нашите земјоделци од терен, засејувањето било успешно. Спречена е појава на град, а со тоа земјоделските посеви остануваат заштитени и без причинета штета.

 

Со овој модерен систем за заштита од град ќе се придонесе за заштита на земјоделското производство од временски непогоди и намалување на сумата којашто изминатите години се издвојуваше за исплата на обештетувања. Управата за хидрометеоролошки работи, активно ја мониторира блачностa и движењето на градоносните облаци, преку радарските центри Тополчани и Ѓуриште. Во целиот процес за заштита од временски непогоди, клучни се радарските системи за добивање на навремени и точни податоци за временската прогноза. Во изминатиот период реновирани се повеќе метеоролошки станици и обновен е и надграден радарскиот систем Ѓуриште, што значително допринесе за точна и прецизна временска прогноза, а современиот начин на дејствување со авионско засејување, досега во веколку наврати покажа дека оваа метода е ефикасна заштита.

 

Земјоделските посеви се заштитени, а со тоа е заштитен и трудот на земјоделците.

Share


Пон
Вто
Сре
Чет
Пет
Саб
Нед

Одберете датум

Јавни огласи и повици