Соопштенија

Министерството за земјоделство, шуамарство и водостопанство од понеделник, 6 септември, до 5 октомври, ќе врши авиотертирање за уништување на  гасениците од боров четник. Акцијата ќе почне да се реализира во понеделник, во  шумското стопанство ,,Осогово,, од Крива Паланка, каде против овој штетник, ќе бидат третирани 2 илјади хектари борова шума.

Во понеделник и вторник, авиотретирање на површините со борова шума во кривопаланечкиот регион ќе се врши во локалитетите Паклиште - Глабочица, Петралица и Станча.

Авио третирањето ќе се врши во раните утрински или доцните попладневни часови, зависно од временските услови. За времето на третирање и евентуалното одложување на акцијата, населението и пчеларите ќе бидат информирани преку локалните медиуми. Инаку, пчеларите ќе можат да ги пуштат пчелите најмногу еден час и половина по авиотретирањето.

Министерот за земјоделство, шумарство и водостопанство Љупчо Димовски, денеска се сретна со новиот амбасадор на Република Турција во нашава држава,  н.е. г-дин Ѓурол Сокменсуер.

- Република Македонија има одлична соработка со Република Турција во сите сектори, вклучително и во земјоделството. Нашите две држави ги поврзува долга заедничка историја и пријателство, оттаму е и моето задоволството што оваа година, Република Турција е земја партнер на овогодинешниот меѓународен саем за земјоделство што наскоро ќе се одржи кај нас. Радува и фактот што гостин на оваа саемска манифестација ќе биде и мојот колега, министерот за земјоделство и рурален развој на пријателска Турција, господин   Мехмет Мехди Екер – истакна министерот Димовски.

Амбасадорот Сокменсуер ја поздрави досегашната успешна и плодна соработка на министерот Димовски со неговиот претходник амбасадорот Аслан Хакан Окчал и  вети продолжување и продлабочување на соработката на сите полиња.

Владата на Република Македонија донесе  Програма за давање на земјоделско земјиште во државна сопственост на плодоуживање на одредена категорија социјално необезбедени лица.

Право за поднесување на барање имаат :

-       Корисници на социјална парична помош, согласно Законот за социјална заштита;

-       Невработени лица, евидентирани над една година во Агенцијата за вработување на Република Македонија;

-       Невработени евидентирани лица на кои им престанало правото на паричен надоместок, една година од престанување на правото;

-       Невработени лица – корисници на паричен надоместок согласно Законот за вработување и осигурување во случај на невработеност; и

-       Невработени  евидентирани лица на кои работниот однос  им престанал  поради стечај, ликвидација или од деловни причини (технолошки, економски, организациони и слични промени).

Додаток: 

за плодоуживање.pdf

Министерството за земјоделство, шумарство и водостопанство остро реагира на неоснованите наводи изнесени на денешната прес конференција на ,,Обединети за Македонија,,.

Влаcта и Министерството подолго време ја следи состојбата во лозаро винарскиот сектор,при што заедно со лозарите и винарските визби се разговараше за надминување на кризата која што е последица од светската финансиска криза и слабиот пласман на виното во светски рамки, а не само на македнското вино.

Оваа Влада е сериозна и на таков начин пристапи кон овој проблем со цел во крајна линија,  да им се помогне на лозарите, да се откупи годинешниот род на винското грозје и да создаде фер услови.

Да појасниме, оваа мерка се однесува за сите винарски визби, а не за одредеи како што тврдат од Обединети за Македониа. Овие мерки се резултат на неколкуте средби на вицепремиерот Владимир Пешевски и министерот за земјоделство, шумарство и водостопанство Љупчо Димовски со претставници на винарските визби и на  здруженијата на лозари.

По два денара субвенција ќе добијат сите преработувачи што ќе откупат приближно иста количина грозје како лани или поточно, доколу откупат минимум 65 отсто од лани откупената количина. Вака одлучи Владата по двонеделни интензивини анализи, разговори и консултации со сите засегнати страни.

За да ја добијат поддршката, откупувачите ќе мора претходно да го исплатат грозјето откупено минатата година.

- Во винарските визби постојат реалтивно големи залихи вино од минатата година. Со тоа се отежнува годинашниот откуп. Оттука, оваа мерка е насочена кон откупувачите, но индиректно ќе влијае и врз производителите, рече денеска на прес-конференција вицепремиерот за економски прашања Владимир Пешевски.

Идејата поддршката да изнесува два денара базира на пресметката согласно која за производство на литар вино се потребни 1,3 килограми грозје. Целта е, истакна Пешевски, нашето вино да стане за 4 до 5 евроценти поконкурентно за извоз на надворешниот пазар.