Новости

Идниот месец се отвора Македонскиот изложбено - трговски дом во Москва
Дата на објава: 
23 Февруари 2017
Foto.jpg

Свежо овошје и зеленчук, конзервирани, млечни и месни производи, како и пијалаци, ќе бидат дел од првата пратка со која на 23 март годинава и официјално ќе се отвори Македонскиот изложбено - трговски дом во Москва.

 

Како што беше истакнато на денешната презентација што ја организираше Македонско - руската стопанска комора, Домот се наоѓа во комплексот „Фуд сити“, своевиден трговски град кој зафаќа 90 хектари површина и во кој се лоцирани сите странски извозници и дистрибутери кои тргуваат со Русија. Македонските компании, најпрво 20, ќе добијат целосна комерцијална, царинска и правна поддршка за пласман на производите, а во Домот ќе може да ги изложат и складираат за да им бидат веднаш достапни на деловните руски партнери.

 


Цветков на закројување лоза во „Тиквеш“, посака добар принос и квалитетно грозје
Дата на објава: 
14 Февруари 2017
Foto.jpg

Добар принос, квалитетно грозје и исплата на средствата за предаденото грозје, им порача на лозарите од Тиквешко министерот за земјоделство, шумарство и водостопанство Михаил Цветков закројувајќи винови лози во насадите на винарската визба „Тиквеш“ по повод празникот свети Трифун заштитникот на лозарите.

 

- Како и секоја година и оваа година проблеми. Затоа сме ние тука да ги решаваме, како министерство, како држава, како Влада, сите да се сплотиме и да го направиме тоа што треба да го направиме во лозарството. Да ги примениме сите агротехнички мерки, да закроиме така за да добиеме што поквалитетен род, имајќи предвид дека во нашето окружување, а и во светот каде што ние тежнееме да го извезуваме  нашето вино, се бара квалитет, рече министерот.

 


Македонија ќе инвестира во опрема за рано прогнозирање временски непогоди
Дата на објава: 
7 Февруари 2017
Foto.png

Три милиони евра ќе вложи Македонија во опрема за брзо детектирање и најавување на временските неприлики, соопшти денеска министерот за земјоделство, шумарство и водостопанство Михаил Цветков.

Проектот веќе се подготвува, а целта е да обезбеди капацитет за обработка на огромен број информации кои треба да дадат што поточна прогноза.

- Таква опрема е неопходна за да можеме да собереме, а потоа и да обработиме, куп информации кои прецизно ќе ни кажат во кој правец се движат временските појави, што точно ќе се случува, што можеме да очекуваме и врз основа на тоа да преземеме соодветни мерки - изјави Цветков пред меѓународната конференција што ја организира УХМР.

Во тек е и набавка на ултра модерен компјутер кој, како што дополни дректорот на УХМР Оливер Ромевски, треба да пристигне во март годинава.

- Гледаме да ги направиме сите можни бај-пасови, а имаме план да се осовремениме во целост, почнувајќи од радари, за да бидеме конзистентни во се она што го даваме како информација - потенцира Ромевски.


Земјоделците бесплатно имаат на располагање 27 проекти за изградба на фарми и насади
Дата на објава: 
20 Јануари 2017
Pres.jpg

Министерството за земјоделство, шумарство и водостопанство подготви 27 стандардизирани проекти за изградба на сточарски фарми, мандри и силоси и за подигнување на овошни и лозови насади со кои земјоделците ќе можат да аплицираат за средства од ИПАРД 2 програмата и Програмата за рурален развој.

 

Министерот за земјоделство Михаил Цветков денеска на прес-конференција истакна дека проектите се бесплатни и оти може да ги добијат сите заинтересирани земјоделци. Проектите електронски ќе бидат доставени и до подрачните единици на Министерството за земјоделство.

 

- Изготвувањето на еден ваков проект чини од пет до десет илјади евра. Со ова им помагаме на земјоделците да не даваат пари за изготвување на вакви проекти, рече министерот Цветков.

 

Проектите ги содржат сите потребни елементи за изградба на една фарма и за подигнување на насади и колку ќе чини таа инвестиција.

 


ИЗВЕСТУВАЊЕ ЗА ПОЛАГАЊЕ НА ИСПИТ ЗА ДОБИВАЊЕ УВЕРЕНИЕ ЗА ВРШЕЊЕ СТОПАНСКИ РИБОЛОВ
Дата на објава: 
12 Декември 2016

Се известуваат сите заинтересирани кандидати дека на 29 Декември 2016 година, со почеток во 08:00 часот, во просториите на Испитниот Центар на ул.Христо Смирненски бр.30 ламела 1, Скопје, ќе се одржи полагање на испит за добивање на уверение за вршење стопански риболов (теоретски дел).

Заинтересираните кандидати за полагање на испитот треба да се државјани на Република Македонија и да се полнолетни. Барањето за полагање на испитот се поднесува до Министерството за земјоделство, шумарство и водостопанство најдоцна до среда 14.12.2016 година. Кон барањето се приложуваат потребните докази за исполнување на условите и тоа:

-          уверение за државјанство;

-          фотокопија од лична карта; и

-          уплатница за уплатени средства како надомест за трошоци за полагање на испитот.


Syndicate content