Новости

Техничка поддршка од Унгарија за македонското земјоделство
Дата на објава: 
16 Септември 2016
Rabotilnica.jpg

Посветеноста на квалитетот и искрената желба да им се понуди уникатност и нов вкус на потрошувачите постојано го надоградува имиџот на виното што придонесе овој производ да стане втор најважен во извозот на агропрехранбениот комплекс, а лозаро-винарскиот потсектор да остварува нето годишен прилив од над 65 милиони евра, рече денеска заменик-министерот за земјоделство, шумарство и водостопанство Ванчо Костадиновски, отворајќи ја работилницата за европските субвенции и земјоделските статистики.

 

Според него, лозарството, заедно со производството на вино, придонесува со околу 17 до 20 отсто во земјоделскиот БДП.

 

- Виното е на прво место во извозот на пијалоци и втор најважен производ во однос на извозната вредност на земјоделските производи. Во последната деценија е евидентно присуството на се поголем број нови винарии изградени и опремени по најсовремени стандарди, но и реконструкција и модернизирање на старите во насока на што подобар квалитет на виното, истакна Костадиновски.

 


Цветков: Со законските измени ќе се надминат проблемите во лозарството
Дата на објава: 
3 Септември 2016
mihail -cvetkov.jpg

Направени се измени во Законот за вино кои поминаа на Влада и се очекува дека по скратена постапка следната недела ќе поминат во Собрание. Со нив ќе се олесни наплатата на побарувањата кои ги имаат лозарите за предадено грозје и ќе се надминат одредени проблеми што се јавуваа кога грозјето се продаваше на откупувачи кои вршеа откуп во име на одредени винарници.

Ова денеска го соопшти министерот за земјоделство Михаил Цветков кој во Кавадарци оствари средба со лозарите.

 


ИЗВЕСТУВАЊЕ ЗА ПОЛАГАЊЕ НА ИСПИТ ЗА ДОБИВАЊЕ НА УВЕРЕНИЕ ЗА ВРШЕЊЕ СТОПАНСКИ РИБОЛОВ И ЗА РИБОЧУВАР
Дата на објава: 
10 Август 2016

Се известуваат сите заинтересирани кандидати дека на 6 Септември 2016 година, со почеток во 10:00 часот во просториите на Испитниот Центар на ул.Христо Смирненски бр.30 ламела 1, Скопје ќе се одржи полагање на теоретскиот дел од испитот за добивање на уверение за  вршење стопански риболов.

 

Барањата за полагање со потребните докази може да се поднесат до Министерство за земјоделство, шумарство и водостопанство најдоцна до понеделник 22.08.2016 година.

 

Се известуваат кандидатите кои го имаат положено теоретскиот дел од  испитот за добивање уверение за рибочувар (одржан на 01.07.2016  година) дека на 6 Септември 2016 година, со почеток во 12:00 часот во просториите на Испитниот Центар на ул.Христо Смирненски бр.30 ламела 1, Скопје ќе се одржи полагање на практичниот дел од испитот.

На денот на полагање кандидатите задолжително да поседуваат документ за идентификација (лична карта).

 


Дополнителни 6.000 денари по хектар за производителите на пченица
Дата на објава: 
20 Јули 2016
Pcenica.jpg

Владата на Република Македонија на својата вчерашна седница (19 јули 2016 година) донесе УРЕДБА ЗА ИЗМЕНУВАЊЕ НА УРЕДБАТА ЗА ПОБЛИСКИТЕ КРИТЕРИУМИ ЗА ДИРЕКТНИ ПЛАЌАЊА, КОРИСНИЦИТЕ НА СРЕДСТВАТА, МАКСИМАЛНИТЕ ИЗНОСИ И НАЧИНОТ НА ДИРЕКТНИТЕ ПЛАЌАЊА ЗА 2016 ГОДИНА.

Со новата Уредба се зголемува финансиската подршка за 6.000,оо ден/ха за земјоделските стопанства кои имаат засеани површини со пченица и имаат поднесено барање за финансиска поддршка до Платежната агенција за 2016 година.

Оваа измена на Уредбата се предложи заради потребата од зголемување на финансиска поддршка на земјоделските стопанства кои произведуваат  пченица, со поддршка на доходот, првенствено заради ниската откупна цена, намалениот интерес за откуп како и зголемениот увоз на пченица и брашно од Србија.

Уредбата влегува во сила наредниот ден од денот на објавувањето во ,,Службен весник на Република Македонија“.

Уредбата е објавена во „Службен весник на РМ“ бр. 139 од 27.07.2016 година.

 


Завршна работилница од „Проектот за развој на живинарството во Република Македонија“
Дата на објава: 
22 Март 2016
foto 2.jpg

„Развивањето на живинарството е утврдено како еден од клучните приоритети во Националната стратегија за земјоделство и рурален развој 2014-2020, а нашата цел е до 2025 година да произведуваме 10.000 - 12.000 тони пилешко месо“, изјави министерот за земјоделство, шумарство и водостопанство, Михаил Цветков на денешната презентација на резултатите од „Проектот за развој на живинарството во Република Македонија“, спроведен со поддршка на Организацијата за храна и земјоделство на Обединетите нации – ФАО.


Syndicate content