Дополнителна субвенција од 6 денари по килограм продадена праска
Дата на објава: 
20 Јуни 2017
izjava.JPG

По разговорите со неколку преработувачки капацитети за овошје и зеленчук и со цел да им се излезе о пресрет на овоштарите кои неможат да го продадат родот на праските по пристојни цени, министерството за земјоделство, шумарство и водостопанство презеде соодветна финансиска мерка, изјави министерот за земјоделство, шумарство и водостопанство Љупчо Николовски.

Овоштарите кои имаат засадени површини со праски и кои родот го продале во преработувачки капацитети за овошје во земјата или во странство по откупна цена не повисока од 5 денари по килограм, директно или преку еден регистриран откупувач, во период од 12 јуни 2017 година  до 30 јуни 2017 година, имаат право на субвенција во висина од 6 денари по килограм.“


Средба на министерот Николовски со синдикатот на УПОЗ
Дата на објава: 
20 Јуни 2017
foto (2).jpg

Да се почне постапката за дефинирање и потпишување  на Колективниот договор за вработените во министерството за земјоделство, шумарство и водостопанство (МЗШВ), договорија денеска министерот за земјоделство, шумарство и водостопанство Љупчо Николовски и Пеце Грујовски претседателот на Синдикатот на работниците од управата, правосудните органи и здруженија на граѓани (УПОЗ), кој минатата година беше доставен од Синдикатот на УПОЗ до МЗШВ.

На средбата беше договорено во најбрз рок да се формира работна група во која ќе учествуваат претставници од МЗШВ и Синдикатот на УПОЗ, Министерството за труд и социјална политика и Министерството за финансии за да се разгледаат барањето на шумските полицајци.


Министерот Николовски на состанок со откупувачите на пченица, членки на стопанските комори
Дата на објава: 
17 Јуни 2017
foto.JPG

Претставници на откупувачите на пченица, членки на стопанските комори денеска во Министерството за земјоделство имаат средба со министерот Љупчо Николовски на која разговараа за откупната цена на пченицата.

- По средбата со земјоделците на која ги скениравме состојбите и ги слушнавме нивните мислења и ставови, денеска ќе се сретнеме и со откупувачите на пченица со цел да ги направиме сите потребни анализи и да бидеме подготвени за евентуални одлуки коишто треба да се донесат, изјави министерот Николовски пред средбата со мелничарите.

Тој при тоа оцени дека одлуката на претходната влада да продаде пченица од стоковите резерви во пресрет на жетвата е погрешна и ќе има негативно влијание на пазарната цена на пченицата.


Министерот Николовски го посети скопскиот регион кој беше погоден од невремето
Дата на објава: 
15 Јуни 2017
s.jpg

По силното невреме што вчера го зафати скопско- кумановскиот регион, веднаш, утрово побаравме официајална информација од Управата за хидрометеоролошки работи врз основа на која ќе ја почнеме постапката за формирање на комисии за увид на состојбата и за проценка на штети врз земјоделските капацитети.

Денеска исто така дадов и налог, вработените од подрачните единици на министерството, да излезат на терен и до утре да достават  првичен увид за настанатите штети.

Како и во претходниот случај со невремето во тетовско, министерството за земјоделство во најкус можен рок ќе поднесе информација до Владата која  ќе донесе одлука за натамошна постапка за проценка и утврдување на висината на штетата од елементарната непогода.

Доколку обештетувањето ќе биде според законот за земјоделство, земјоделците навремено ќе бидат информирани и за роковите за поднесување на барањата за проценка до најблиската подрачна единици на министерството.


Средба на министерот Николовски со гранскиот независен синдикат на полицијата
Дата на објава: 
13 Јуни 2017
image-0-02-04-241.jpg

Министерот за земјоделство, шумарство и водостопанство Љупчо Николовски, денеска, на нивно барање, имаше средба со претставници на Гранскиот Независен Синдикат на полицијата. На состанокот се говореше за доставениот Предлог Колективен договор за шумска полиција и администрација, за шумска полиција на Република Македонија.

 

Синдикалците побараа почеток на сериозни преговори за брзо усвојување и потпишување на ваков документ, кој, според нив, недостасува 19 години. Беше искажано незадоволство од актуелната состојба во шумската полиција, како кога се во прашање основните права и услови за работа, така и кога станува збор за нивната безбедност.

 

- Личното и формациското оружје со кое ракуваме е застарено и 60% нефункционално. Затоа имаме сериозна потреба од ваков подзаконски акт, со кој ќе се намалат штетите и за Буџетот, односно ќе го намалиме одлевањето на парични средства од МЗШВ, поради трошоците за загубени судски процеси, - рекоа шумските полицајци.

 


Syndicate content