Министерот Николовски во Брисел се сретна со директорот за земјоделство и рурален развој Јержи Плева.
Дата на објава: 
24 Октомври 2017

Министерот за земјоделство, шумарство и водостопанство Љупчо Николовски, во Брисел имаше работен состанок со генералниот директор за земјоделство и рурален развој во Европската комисија Јержи Богдан Плева.

 

На состанокот, од страна на Европската Комисија, присустуваа и директорот за рурален развој и претпристапна поддршка Марио Милушев, како и останати раководни лица при ЕК, надлежни за Република Македонија и за претпристапната поддршка за влез во Европската унија.

 

Генералниот директор Плева, позитивно го оцени големиот интерес и бројот на доставени барања за користење на финансиски средства од ИПАРД 2014-2020 на првиот јавен повик 01/2017, и изрази надеж дека нема да се повтори искуството со искористувањето на финансиските средства од ИПАРД 2007-2013. Тој порача дека за ефикасно искористување на финансиските средства од руралните програми, како што е ИПАРД, клучни се човечките ресурси и  функционалноста на  Платежната агенција.

 


Николовски: Работиме на решавање на проблемите со кои се соочуваат пчеларите
Дата на објава: 
21 Октомври 2017
22711689_10156226360365628_2076422103_o.jpg

Министерот за земјоделство, шумарство и водостопанство Љупчо Николовски, денеска во Кочани, ја отвори манифестацијата „ Денови на македонскиот мед Кочани 2017“, на која што се  изложени различни видови на пчлени производи од целата држава, како и опрема за пчеларење. Министерот Николовски им порача на присутните производители на пчелни производи, дека Министерството за земјоделство, шумарство и водостопанство, е во постојан со пчеларските здруженија, со цел да се изнајдат соодветни мерки за решавање на проблемите, кои што ќе бидат во корист на пчеларите. Оваа година од аспект на временските прилики беше исклучително лоша за целиот земјоделски сектор, вклучително и за пчеларството, кое што претрпе големи штети поради екстремно ниските температури и поради сушата.


Македонските преработки од зеленчук и овошје беа дел од светскиот саем „Ануга 2017 “ во Германија
Дата на објава: 
20 Октомври 2017
7.JPG

Македонските производители и извозници на преработки од земјоделски производи, од 7-ми до 11 –ти октомври годинава, учествуваа на најголемиот светски саем за храна „Ануга 2017“, во Келн, Германија. Со поддршка од Министерството за земјоделство, шумарство и водостопанство, Македонија на овој саем имаше свој штанд со вкупна површина од 129 м2, каде што  македонски компании од областа на земјоделство имаа можност да ги изложат своите производи. На саемот имаше и претстваник од МЗШВ, со цел за следење на промотивните активности на другите држави и позитивните странски искуства, кои во иднина би можеле да се применат за националното претставување на Македонија.

На саемот учествуваа 16 компании за преработка на земјоделски производи кои се извозно оринетирани. Со поддршка на УСАИД  беа организирани состаноци со преставници на германски супермаркети и увозници на големо, во различни земјоделски сектори, како за ајвар и конзервна индустрија, преработки на кечап и мајонез,  замрзнато овошје и зеленчук и сокови.


Николовски: Политиките за развој на земјоделството ќе се креираат во соработка со науката
Дата на објава: 
19 Октомври 2017
slika 4.jpg

Министерот за земјоделство, шумарство и водостопанство Љупчо Николовски, денеска учествуваше на третиот Меѓународен симпозиум за земјоделство и храна, кој се одржува во Охрид, во организација на Факултетот за земјоделски науки и храна при Универзитетот „Свети Кирил и Методиј“.

На симпозиумот учествуваат претставници на академската заедница, на бизнис-секторот, на останати институции и реномирани научници од 26 земји . Овој симпозиум се одржува по повод 70-годишнината од Факултетот за земјоделски науки и храна.

Во своето обраќање министерот за земјоделство, шумарство и водостопанство Љупчо Николовски истакна дека земјоделството е еден од најважните сектори кој во вкупниот бруто домашен производ учествува со 13 проценти, кој после услужната дејност и преработувачката индустрија е трет по големина сектор во националната економија, истовремено обезбедувајќи приходи и вработување на преку 17 проценти од работната сила во земјата.


МЗШВ и ФАО започнаа со утврдување на приоритетите за новите проекти поддржани ФАО
Дата на објава: 
13 Октомври 2017
22494534_10156202954665628_844157370_o.jpg

Организацијата за храна и земјоделство при Обединетите Нации (ФАО), денеска заедно со Министерството за земјоделство,шумарство и водостопанство започнаа со утврдување на новите приоритетни области од  Програмската рамка на ФАО за Република Македонија, за период 2018 – 2020. Во Програмата  ќе бидат утврдени приоритетните области кои се произлезени од стратешките документи на Министерството за земјоделство,шумарство и водостопанство,  првенствено од Националната стратегија за земјоделство и рурален развој за периодот 2014 – 2020, што беше изготвена со помош на ФАО, а во рамки на овие области ќе бидат планирани конкретни проекти и програми за идната техничка поддршка од страна на ФАО. На денешната работилница со претстваниците од ФАО и од МЗШВ беше потенцирано дека при планирањето на помошта треба да се има предвид, за кои области ФАО поседува техничка експертиза и компаративна предност во однос на други меѓународни организации, како би се постигнал максимален ефект и најдобри резултати од идните проекти.


Syndicate content