Делумна забрана за движење во шумите поради опасност од пожари
Дата на објава: 
13 Јули 2017
Foto.jpg

Поради високите температури и опасноста од појава на шумски пожари, Министерството за земјоделство, шумарство и водостопанство во координација со ЈП „Македонски шуми“, воведува делумна забрана за движење во шумите со стопанска намена.

Делумната забрана важи за периодот од 15.07.2017 година до 15.08.2017 година.

Оваа одлука не важи за вработените во ЈП „Македонски шуми“ и субјектите кои управуваат со заштитените подрачја, како што се Националните паркови, Парк шумите, шуми со специјална намена споменици на природата и слично.

Одлуката исто така не важи и за организирана група на туристи за туристичко разгледување на шумите со стопанска намена и Националните паркови и  Парк шумите. Но, туристичката тура ќе биде во придружба на претставник од ЈП „Македонски шуми“, Националните паркови и Парк шумите.


Средба на министерот Николовски со производителите на пченица
Дата на објава: 
12 Јули 2017
19956318_2003866603168202_8907647678354725505_o.jpg

Министерот за земјоделство, шумарство и водостопанство Љупчо Николовски, заменик-министерот Власте Димковиќ и претставниците од Секторската група за пченица при МЗШВ, денеска се сретнаа со производители на пченица и на јачмен. На средбата се разгледаа сите опции и можности, како да се ублажат штетите од годинешната лоша жетва. Земјоделците понудија неколку мерки кои според нив ќе им помогнат во покривање на штетите.

Министерот Николовски порача дека детално ќе се разгледаат сите барања на земјоделците и во најскоро време ќе се донесат соодветни мерки кои ќе дадат најдобар ефект и ќе им бидат од помош на производителите на пченица и јачмен, но и мерки кои ќе можат најбрзо да се реализираат. Преземените мерки ќе зависат од состојбата на терен.

Според податоците засеани се 76.400 хектари пченица, од кои се очекува  производство од 170.000 до 190.000 тони. Во земјава има 63 регистрирани откупувачи.


Министерот Николовски оствари средба со амбасадорот на Кралството Холандија
Дата на објава: 
11 Јули 2017
Plomp - Nikolovski.jpg

Министерот за земјоделство, шумарство и водостопанство Љупчо Николовски денеска имаше средба со Амбасадорот на Кралството Холандија во Република Македонија, Ваутер Пломп. На средбата беше потврден интересот за интензивирање на соработката меѓу двете земји во областа на земјоделството и руралниот развој. Амбасадорот истакна дека Холандија е отворена за секаков вид соработка и подготвена  да помогне за успешна реализација на тековните проекти за институционално зајакнување меѓу кои Твининг проектот во Агенцијата за финансиска поддршка на земјоделството и руралниот развој и проектот за консолидација на земјоделското земјиште кои се спроведуваат од меѓународни консултантски тимови во кои учествуваат и холандски експерти.


Средба на министерот со амбасадорот на Република Турција
Дата на објава: 
11 Јули 2017
Nikolovski - Kara.jpg

На денешната средба на Министерот за земјоделство, шумарство и водостопанство, Љупчо Николовски со амбасадорот на Република Турција во Република Македонија, Тулин Еркал Кара, беше потврдена заложбата за негување на пријателските односи меѓу двете земји, кои имаат воспоставено одлична билатерална соработка на политички и економски план, а меѓусебните односи во областа на земјоделството, шумарството и водостопанството бележат постојан напредок.

 

Беше потенцирана важноста од почести средби на министерско ниво со цел да се забрза реализацијата на сите отпочнати иницијативи и отпочнување на нови заеднички проекти. Министерот Николовски доби покана за посета на Република Турција и средба со неговите колеги, министерот за земјоделство и храна и министерот за води и шуми во најскоро време, а во рамки на оваа посета се очекуа да се потпише Меморандумот за соработка во областа на водите со кој ќе се овозможи реализација на пет мали акумулации во земјата. Како дел од приоритетните проекти за рехабилитација и инвестирање во инфраструктурата во водостопанството.


ЈАВЕН КОНКУРС за давател на јавни услуги спроведување на мерки и активности од Програмата за заштита на Биолошката разновидност
Дата на објава: 
7 Јули 2017

Врз основа на член 60-б од Законот за сточарството (Службен весник на Р.М. бр 07/08, 116/10, 23/13, 149/15 и 39/16) Министерството за земјоделство, шумарство и водостопанство објавува

ЈАВЕН КОНКУРС

за давател на јавни услуги спроведување на мерки и активности од Програмата за заштита на Биолошката разновидност во сточарството од 2011-2017 година

 

На јавниот конкурс може да се јават овластени субјекти за спроведување на мерки и активности од Програмата за заштита на Биолошката разновидност во сточарството од 2011-2017 година.

 

Деталите од ЈАВНИОТ КОНКУРС се во додатокот за преземање.

Додаток за превземање: 

Syndicate content