МЗШВ ја објави листата со Јавно достапни информации
Дата на објава: 
6 Декември 2017

Согласно заклучокот на 34-тата седница на Владата на Република Македонија, Министерството за земјоделство, шумарство и водостопанство, ја комплетираше листата со информации од јавен карактер со кои располага институцијата и истата ја објави на својата веб-страница (www.mzsv.gov.mk).

Речиси сите материјали се сместени во „Јавно достапни информации“ (http://www.mzsv.gov.mk/docs/ ), каде што може да се најдат: Националната стратегија за земјоделство и рурален развој 2014-2020“, Националниот План за органско производство 2013-2020, Буџетот на МЗШВ и Усвоени извештаи за реализација на Буџетот, Ревизорски извештаи, Планови за Јавни набавки, Правилник за систематизација на работните места, Консолидирани текстови на закони и подзаконски акти, Правилници, Обрасци, Барања, Тарифници, Листи со лица задолжени за информации од јавен карактер, Регистри...


Николовски: Кадровско екипирање на Платежната агенција и исплата на обештетувањата на сточарите за „јазлеста кожа“
Дата на објава: 
4 Декември 2017
platezna 2.jpg

Министерот за земјоделство, шумарство и водостопанство, Љупчо Николовски, денеска одржа работен состанок со директорот на Агенцијата за финансиска поддршка во земјоделството и руралниот развој, Николче Бабовски, и со раководителите на секторите во Агенцијата. На состанокот беше презентирана моменталната состојба на функционирање на Платежната агенција, како и проблемите со кои се соочува.

Се заклучи дека главен проблем е дефицитот со човечки ресурси. Министерот Николовски посочи дека за проблемот е запознаена и Владата и веднаш ќе се започне со кадровско екипирање на Агенцијата, чие што функционирање е важно за имплементација на мерките од Националните програми за финансиска поддршка во земјоделството и руралниот развој, како и за ефикасно искористување на финанасиските средства од европската ИПАРД Програма.


Николовски: Со Предлог Буџетот за 2018 година обезбедуваме навремена исплата на субвенциите и реализација на клучните проекти
Дата на објава: 
2 Декември 2017
sl2.jpg

Министерот за земјоделство, шумарство и водостопанство, Љупчо Николовски, денеска одржа прес-конференција за Предлог Буџетот за 2018 година, за секторот земјоделство. На прес- конференцијата беше презентиран вкупниот буџет за секторот земјоделство, кој што подразбира неколку институции кои имаат посебни буџети, но сите имаат важен придонес во развојот на земјоделството. Конкретно, тоа се Минитерството за земјоделство, шумарство и водостопанство, Платежната Агенција, Агенцијата за поттикнување на развојот на земјоделството, Агенцијата за храна и ветеринарство, Државниот инспекторат за земјоделство, Државниот инспекторат за шумарство и ловство и Управата за хидрометеоролошки работи. Вкупните основни предлог буџети на сите седум институции за следната година се во износ од над 10,1 милијарди денари. Министерот Николовски посочи дека Предлог буџетите на овие институции  се планирани така да можат да обезбедат сервисирање на тековните потреби  на секторот земјоделство, пред се на земјоделците и агробизнисмените, а по принципот на домаќинско и рационално трошење.


Одржан Саемот за земјоделство - Тракторијада
Дата на објава: 
1 Декември 2017
Traktorijada.jpg

 

Денеска во Могила се одржа Саемот за земјоделство - Тракторијада, каде што свое обраќање имаше Заменик министерот за земјоделство, шумарство и водостопанство Власте Димковиќ.

 

Во присуство на градоначалничката на Могила, Јасмина Гулевска, на 12 изложувачи и на голем број земјоделци, Димковиќ истакна дека се надева дека овој Саем ќе прерасне во традиционална манифестација на која домашните снабдувачи на земјоделски суровини, опрема и услуги ќе имаат што да покажат и да излезат во пресрет на барањата на земјоделците во насока на модернизација на овој исклучително важен сектор во нашата држава.

 


Министерот Николовски на средба со „Катар Инвестмент Ауторити“ и со катарскиот министер за животна средина и за земјоделство
Дата на објава: 
29 Ноември 2017
kat2.jpg

Во рамки на официјалната посета на Катар, вчера министерот за земјоделство,шумарство и водостопанство Љупчо Николовски, имаше средба со главниот извршен директор на „Катар Инвестмент Ауторити“, Абдула бин Мохамед бин Сауд Ал Тани. На средбата беше разговарано за конкретни проекти во земјоделството, кои се значајни за развој на македонскиот аграр.На покана на министерот Николовски, извршниот директор на „Катар Инвестмент Ауторити“, најави дека многу скоро ќе дојде во посета на Република Македонија.

 

Во текот на вчерашниот ден, министерот Николовски, беше во катарското Министерство за животна средина во кое спаѓа и секторот за земјоделство, каде што оствари средба со Шеикот Фалех бин Насер Ал Тани. На средбата беа презентирани искуствата и технологиите на Катар во областа на земјоделството, кои би можеле да се применат за развој на македонското земјоделство.

 


Syndicate content