Напредок во изработката на почвена мапа на Република Македонија
Дата на објава: 
21 Август 2014
P8210214.JPG

 

По извршените теренски наоди и истражувања и лабораториските анализи на собраните почвени профили во моментов се работи на комплетирање на процесот на дигитализација на Проектот „Македонски почвен информациски систем“. Очекуваме сите предвидени активности да завршат во определениот рок до јуни 2015 година, информираа на денешниот состанок со министерот Михаил Цветков, експертите од  Факултетот за земјоделски науки и храна и Земјоделскиот институт кои работат на реализацијата на овој Проект.

Проектот „Македонски почвен информациски систем“ во вредност од 340 000 долари се спроведува со поддршка од Организацијата за храна и земјоделство на Обединетите Нации – ФАО. Во проектот  учествуваат и Македонската Академија на науките и уметностите, Факултетот за шумарство и Природно-математичкиот факултет во координација со Министерството за земјоделство, шумарство и водостопанство.


Зачувување на охридската пастрмка што е бренд за Македонија, ќе биде еден од приоритетите на Министерството за земјоделство, шум
Дата на објава: 
17 Август 2014
Minister.jpg

 

Како што најави денеска ресорниот министер Михаил Цветков, по посета на риболовниот пункт на концесионерот на Охридското Езеро „Пастрмка 2012“ ќе бидат разгледани риболовните основи за зачувување и зголемување на рибниот фонд во езерата.

- Постојано слушаме дека охридската пастрмка, која е бренд за Македонија ја нема како порано. Со концесионерот разговаравме како да ја вратиме повторно во Охридското Езеро, што можеме ние како држава и Министерство да помогнеме и да направиме, изјави Цветков.

На средбата со претставник на концесионерот „Пастрмка 2012“, министерот беше информиран и за начинот на работа како и проблемите со кои се соочува.Дозволените количества за улов, смета концесионерот, не се реалнии не соодветствуваат со фактичката состојба на риба во Охридското Езеро.

Во насока на подобрување на состојбите ресорниот министер Цветков најави средба со сите концесионери и релевантни институции.


Средба на министерот Цветков со претставници на лозари и винарски визби
Дата на објава: 
14 Август 2014
EA6CCB064624EB79D19F6E33DEECA996.jpg

Владата и министерството за земјоделство ќе направат максимални напори за да се најде оптимално решение за проблемите  со кои во моментов се соочуваат и лозарите и винарските визби истакна министерот Цветков на средбата со нивните претставници.

Министерот Цветков од страна на лозарите беше информиран дека родот е преполовен и дека ќе бидат потребни сончеви денови за да се санира состојбата и да се подобри квалитетот на грозјето. Количествата што останаа можеби ќе бидат со врвен квалитет, а тоа ќе го покаже бербата. Сортата „Вранец“ според нив ќе биде дефицитарна, позастапени ќе бидат белите сорти, но и кај нив има оштетувања. Остануваме на ставот посочија од здружението на лозари „Агротиквешија“ дека за откупната цената мора да се бара соодветно решение особено што годинава трошоците беа енормни, дури три пати поголеми од лани.

Производителите бараат цените да се зголемат за два денара, а визбите да се задржат минатогодишните.


Зголемен откуп на пченицата во однос на истиот период лани
Дата на објава: 
13 Август 2014
images.jpg

Според последните обработени податоци од подрачните единици на министерството за земјоделство до 31.07.2014, oжнеани се околу 82.210 хектари или 87 % од жетвените површини.

Остварениот просечен принос достигнува до 3,5 т/ха и доколку се задржи овој просечен принос, се очекува производство од 330.000 тони што претставува зголемување за околу 20% или 53.000 тони во споредба со минатата година.

До почетокот на август, откупени се околу 75.000 тони пченица или 66 % од вкупните лански количества. Ова претставува зголемување за околу 6% во споредба со истиот период минатата година, кога биле откупени 70.000 тони.

Според земјоделскиот информативен систем на министерството за земјоделство и доставените податоци од откупувачите на пченица,просечна  откупна цена на меркантилната пченица од  реколтата за  2014 година за месец јули изнесува 10,74 денари за килограм.

Лани беа ожнеани 93.646 ха од кои е остварено производство од 280.929 тони со просечен принос од околу 3 т/ха.


Инвестиции во објекти и системите за наводнување на земјоделски површини
Дата на објава: 
11 Август 2014
A3CCCBB8EBF1D0AE68E71D4E16E59ABE.jpg

Министерството за земјоделство, шумарство и водостопанство годинава ќе инвестира околу 9 милиони евра во капитални објекти во областа на водостопанството и во системите за наводнување и одводнување. Продолжува  чистењето на примарната каналска мрежа,а се планираат и законски измени кои ќе овозможат подобро управување со системите.


Syndicate content