Министерството за земјоделство, шумарство и водостопанство, од страна на Андерс Егонсон, главен ревизор на Европската комисија за спроведување на ИПАРД Програмата, беше информирано дека Директоратот за земјоделство и рурален развој  при Европската комисија, ја усвои одлуката со која ја акредитира Агенцијата за финансиска подрршка на земјоделството и руралниот развој за  целосно децентрализирано управување со ЕУ Фондовите од ИПА Компонентата 5 за рурален развој.

Додаток: 

Одлука на комисијата за акредитација - македонски

Додаток: 

Одлука на комисијата за акредитација - англиски

Работната верзија на новиот Предлог-Законот за земјоделство и рурален развој се најде на јавна расправа пред претставниците на  земјоделските здруженија,здружението на преработувачи,научните институции и локалната самоуправа. Учесниците на јавната расправа генерално, работната верзија на Законот ја оценија како добро законско решение кое опфаќа повеќе сегменти кои се однесуваат на функционирањето на агрокомплексот и на руралниот развој во целина.

Додаток: 

ZZRR.pdf

Собраниската Комисија за земјоделство, шумарство и водостопанство го прифати амандманот поднесен од Законодавно - правната комисија по Предлог-законот за ветеринарно - медицински препарати што се однесува на делот за прекршочните одредби.

Со законот се уредуваат производството, употребата, прометот, поседувањето и увозот на ветеринарно-медицинските препарати. Основни цели на законот се обезбедување соодветен степен на здраствена заштита на животните и луѓето и заштита на животната средина и задоволителен степен на ветеринарно јавно здравство.

Усогласување на македонската со европската легислатива и воведување интегриран систем за контрола на безбедност на храната, се основните цели на законите кои ќе бидат доставени до Собранието.Законот за безбедност на храна и Законот за безбедност на храна за животните предвидуваат високо ниво на заштита на здравјето животните и на луѓето и интересите на потрошувачите во однос на храната, ефикасно функционирање на  внатрешниот пазар, обезбедување цврста научна основа и поддршка на донесувањето одлуки за хигиената на храната истакна на денешната прес-конференција директорот на Управата за ветеринарство Дејан Рунтевски.

Mинистерстерот за земјоделство, шумарство и водостопанство Љупчо Димовски денеска оствари работна средба со здружението на јаболкопроизводители од Ресен и Федерацијата на фармери на Р.Македонија.На состанокот министерот Димовски ги информираше јаболкопроизводителите за преземените мерки и интензивните контакти со министрите за земјоделство во регионот кои придонесоа да не дојде до прекин на пласманот и на откупот на јаболкото. На барањето да се исплати премија од 4 денари за килограм јаболко за просечен принос од 40 тони по хектар беше посочено дека во Програмата за финансиска поддршка на земјоделството во оваа година не е предвидена таква поддршка,но може да се направат измени во Програмата,односно предвидените средства за подигнување на нови овошни насади да се префрлат во мерката за субвенционирање на овоштарството по хектар.Со оваа измена неместо сегашните предвидени средства од 18 000 денари по хектар овоштарите би добиле околу 40 500 денари за хектар овошен насад.